நீங்கள் தேடியது "மூன் ஜேஇன்"

சியோல்:

பரம எதிரியாக இருந்த வடகொரியா உடன் சமீபத்தில் சமரசம் செய்து கொண்ட தென் கொரியா, கொரிய தீபகற்பத்தில் தனது ராணுவ பலத்தை காட்டும் விதமாக ஏவுகணை தாங்கிய நீர்மூழ்கி கப்பலை இன்று கடற்படையில் இணைத்துள்ளது. 700 மில்லியன் அமெரிக்க டாலர் செலவில், 3 ஆயிரம் டன் எடையில் கட்டப்பட்ட தோஷன் ஆங் சாங்-ஹோ என்று பெயரிடப்பட்ட இந்த நீர்மூழ்கியை அதிபர் மூன் ஜேஇன் இன்று நாட்டுக்கு அர்ப்பணித்தார்.

சிறிய ரக மற்றும் பாலிஸ்டிக் ஏவுகணைகளை இந்த நீர்மூழ்கியில் இருந்து ஏவ இயலும். நாட்டின் பாதுகாப்பை இந்த நீர்மூழ்கி ஒருபடி மேலே கொண்டு செல்லும் என அதிபர் மூன் பெருமிதமாக தெரிவித்துள்ளார். இந்த நீர்மூழ்கியை போல இன்னும் 2 நீர்மூழ்கி கட்டப்பட்டு வருவதாகவும் அடுத்த 5 ஆண்டில் கடற்படையில் இணைக்கப்படும் என அந்நாட்டு கடற்படை தெரிவித்துள்ளது. 

புதுடெல்லி:

தென்கொரிய அதிபர் மூன் ஜே-இன் 5 நாள் அரசுமுறை பயணமாக நேற்று இந்தியா வந்தடைந்தார். இன்று மத்திய மந்திரி சுரேஷ் பிரபு மற்றும் சுஷ்மா ஸ்வராஜ் ஆகியோரை அவர் சந்தித்து பேசினார். அப்போது, இரு நாடுகள் இடையே சில வர்த்தக ஒப்பந்தங்கள் கையெழுத்தாகின.

இதனை அடுத்து, உத்தரப்பிரதேசம் மாநிலம் நொய்டாவில் அமைக்கப்பட்டுள்ள மிகப்பெரிய சாம்சங் செல்போன் உற்பத்தி ஆலையை திறந்து வைப்பதற்காக பிரதமர் மோடி மற்றும் மூன் ஜே-இன் ஆகிய இருவரும் டெல்லி மெட்ரோ ரெயிலில் ஒன்றாக நொய்டா சென்றடைந்தனர்.